Полицијата во Шри Ланка уапси 13 осомничени лица за нападите – Слободен печат
ВестиПланета

Полицијата во Шри Ланка уапси 13 осомничени лица за нападите

Се уште никој не презеде одговорност за нападите.

Полицијата уапси 13 луѓе под сомнение дека се поврзани со вчерашните терористички напади на Шри Ланка, изјави синоќа министерот за одбрана Руван Вијеварден.

Тој додаде дека при самоубиствените напади врз цркви и хотели загинаа над 200 луѓе, а стотина беа повредени.

Се уште никој не презеде одговорност за нападите.

Премиерот на Шри Ланка, Ранил Викремешинг наведе дека нападите би можеле да предизвикаат нестабилност во земјата. Тој истакна дека Владата ќе ги искористи сите можни овластувања да дејствува против одговорните за нападите.

Надбискупот на Шри Ланка, кардинал Малком Ранџит побара од Владата „без милост” да ги казни одговорните за нападите, додавајќи оти „само животните можат вака да се однесуваат”.

Вчерашниот напад на Шри Ланка беше најголем уште од 26-годишната граѓанска војна, кога бунтовничката група Тамилски тигри извршуваше голем број бомбашки напади за независна тамилска држава во северниот дел на Шри Ланка.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close