Полицијата растури журка: Над 2.000 луѓе следеле рагби без маски и дистанца, возвратиле со шишиња
Властите во американската држава Јужна Каролина соопштија дека прекинале забава на која присуствувале најмалку 2.000 лица, кои не се придржувале кон мерките за претпазливост за спречување на ширењето на коронавирусот.
Мајк Де Сума, портпарол на противпожарната служба на главниот град на Јужна Каролина, Колумбија, изјави дека собирањето се случило во саботата во станбен комплекс во текот на рагби натпревар меѓу универзитетите во Јужна Каролина.
Фотографиите од пожарникарите покажуваат маса млади луѓе од кои многу мал број биле со маски на лицето или на соодветна дистанца, пренесува АП.
South Carolina authorities break up huge party amid pandemic https://t.co/XLkQ9VqCKt
— WYFF News 4 (@wyffnews4) October 19, 2020
Де Сума рече дека некои луѓе фрлале шишиња врз екипите кои стигнале на самото место.
Полицијата ја растурила забавата откако пожарникарите прогласиле непосредна опасност.