Полицијата расчисти серија кражби во Штип – Слободен печат
Хроника

Полицијата расчисти серија кражби во Штип

Лицата биле лишени од слобода и по целосно документирање на случаите против нив ќе бидат поднесени соодветни пријави.

СВР-Штип расчисти серија кражби извршени во патнички моторни возила, аптеки и продавници. Портпаролот на СВР-Штип, Гордана Панајотова денеска информираше дека тројца сторители од кои и еден малолетник се фатени на лице место, додека извршувале тешка кражба од автомобил.

– Лицата биле лишени од слобода и по целосно документирање на случаите против нив ќе бидат поднесени соодветни пријави.Во истиот период расчистени се и пет кривични дела „тешка кражба” извршени во  патнички моторни возила, продавници и аптека на подрачјето на Полициската станица Штип, извршени од страна на овие сторители и уште еден малолетник, при што биле одземени  повеќе производи и предмети, вели Панајотова.

Таа додава дека расчистено е  „разбојништво” извршено на 5 ноември на Градскиот пазар во Штип над 83- годишна жена од страна на малолетен сторител, кој физички ја нападнал жената, а потоа  и ја одзел чантата.

И ова лице е лишено од слобода и по целосно документирање на случајот, против него ќе биде поднесена соодветна пријава.  Дел од украдените предмети се одземени од сторителите и вратени на оштетените граѓани.

Во текот на вчерашниот ден регистрирана е и повреда на 36 годишен работник во фабрика во Пробиштип, а случајот е пријавен од страна на Итната медицинска помош.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close