Претседателот на владата на Федерацијата Босна и Херцеговина Фадил Новалиќ и директорот на управата за цивилна заштита на тој ентитет Фахрудин Солак се приведени денеска на испрашување во седиштето на Државната агенција за истраги и заштита (СИПА) во рамки на истрагата за сомнителната набавка на болнички респиратори, објавија локалните медиуми.

Заедно со премиерот Новалиќ и Солак кој претходно беше суспендиран од должноста на испрашување е и Фикрет Хоџиќ, сопственик на компанијата „Сребрена малина“ на која ѝ е доворено купувањето на стор респиратори за болниците во Сараево, Мостар и Тузла за да се опремат за лекување на тешко болните пациенти од коронавирус.

Двајцата ентитетски функционери како и Хоџиќ и претходно дадоа искази откако случајот го презеде Обвинителството на БиХ.

На премиерот Новалиќ полициските истражители во средата му го одзедоа мобилниот телефон за со вештачење да проверат со кого и кога контактирал за набавка на респиратори.

Спорните респиратори набавени од Кина за 5,3 милијарди евра се покажаа како неупотребилви на болничките оддели за интензивна нега, а истрагата треба да утврди како „Сребрена малина“ го добила тендерот за кој не била регистрирана, со оглед на тоа дека станува збор за компанија на која дејност и е одгледување и преработка на овошје и зеленчук.

Оваа компанија тендерот го добила со непосредна спогодба, а договорот го потпишал Солак.