Полицијата „ги чешла“ угостителските објекти во Охрид, Струга, Дебар и Кичево 

Фото: Слободен печат/Д. Митрески

Полицијата во Охрид преку Одделението за превенција врши контрола врз начинот на кој се исполнуваат владините мерки и препораки за заштита и превенција од коронавирусот, а се однесуваат пред се на почитување на протоколите за отворање и работа на кафетериите и угостителските објекти за исхрана.

На целата територија под ингеренции на СВР – Охрид, полициски службеници остваруваат редовни контакти со сопствениците и други одговорни лица во угостителските објекти заради укажување на неопходноста од целосно спроведување на предвидените безбедносни мерки за заштита од Ковид-19 и успешно менаџирање со објектите во такви околности.

Притоа полицајците на угостителите им делат флаери со целосниот сет-мерки од протоколите за работа.

Во текот на изминатото деноноќие полициските службеници самостојно, но и во координација со Државниот пазарен инспекторат, извршиле 84 контроли врз угостителски и други објекти и тоа 27 во Охрид, 11 во Струга, 32 во Кичево и 14 во Дебар.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот