Полицијата ги блокираше демонстрантите, не им дозволи да се приближат на ДУИ
Протестите кои започнаа во Тетово, а со марширање се упатија кон седиштето на ДУИ во Мала Речица пред малку беа прекинати.
Братот на Ел Чека, кој беше меѓу тие што протестираа, изјави дека се принудени да го прекинат протестот, истакнувајќи дека не сакаат да ескалира состојбата и да настанат непредвидливи сценарија.
Тој за таквото дејствување на полицијата го обвини лидерот на ДУИ, Али Ахмети, пренесува Алсат М.
– Сме добиле информации дека многу од луѓето кои тргнaле од Кичево, Куманово, Струга добиле закани од полицијата од Полициската станица Тетово и биле блокирани на неколку места и не можеле да дојдат. И на мене ми се закануваше полицаецот Али Касами. Тој ми рече: Кој си ти да дојдеш од Кичево, за да организираш протест во Тетово? – изјави Блерим Ахмети, братот на Ел Чека.
Инаку, денешниот протест беше најавен од Ел Чека, кој во последно време на социјалната мрежа Фејсбук објавуваше прислушкувани материјали – таканаречени “бомби“, каде се слушаат додека разговараат припадници на ДУИ.