Полицијата целосно ја расчисти „слободната” зона во Сиетл окупирана од демонстрантите

„Слободната” зона се простираше неколку квартали од Капитолот на сојзуната држава Вашингтон и беше окупирана по смртта на Афроамериканецот Џорџ Флојд во Минеаполис.

Полицијата на Сиетл синоќа присилно ја расчисти повеќенеделната протестна зона на Сиетл, поради поплаки од сопствениците на локалните бизниси. „Окупираната” зона го разлути и претседателот Доналд Трамп кој објави повеќе гневни пораки на Твитер.

Наредбата на градоначалничката Џени Дуркан следеше по неколку фатални пукања во областа и пријави за вандализирање на објекти.

За време на акцијата, изведена од вчера рано наутро до доцните вечерни часови, повеќе од триесетина лица беа уапсени и обвинети за безвластие, опструкција, напад и незаконско поседување оружје.

Дуркан изјави дека не смета дека повеќето од оние кои се наоѓале во зоната треба да бидат гонети по прекршочните пријави.

„Слободната” зона се простираше неколку квартали од Капитолот на сојузната држава Вашингтон и беше окупирана по смртта на Афроамериканецот Џорџ Флојд во Минеаполис.

Група сопственици на локални бизниси го тужеа градот, тврдејќи дека официјалните лица ја напуштиле областа и со тоа го оневозможиле водењето бизнис, бидејќи нема полиција или противпожарна заштита.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот