Низ порталите во Србија се прошири снимка на која се гледа како полицаец удира човек кој седи на задното седиште на полицискиот автомобил.

Ok prekršio je zabranu kretanja tokom policijskog časa, po zakonu ide privodjenje, da li su morali da ga šamaraju?!?! @NesaStefanovic sram te bilo. Šta radite ovo narodu?! Da li je ovo zloupotreba službenog položaja, zlostavljanje i mučenje vezanog lica?! Užas. pic.twitter.com/YT72lcMmqI

— Vladimir Savic PZBS (@vladimir_pzbs) April 15, 2020

Настанот, како што наведува српскиот портал ,,Блиц”, се случил вчера, во центарот на Белград. На снимката се слуша женски глас како панично ја критикува постапката на полицаецот.

Од српската полиција соопштија дека детално ќе го испитаат случајот и ќе утврдат дали се работи за пречекорување на службената должност на полицискиот службеник.

Српскиот министер за внатрешни работи Небојша Стефановиќ оцени дека овој настан не смее да стане синоним на однесувањето на српските полицајци.