Полицаец од пограничната полиција, кој бил на должност на јужната граница на нашата држава, по враќањето во Унгарија бил тестиран и е позитивен на коронавирусот.

– Вчера биле направени анкети на триесетина странски полицајци на јужната граница и 30 наши, кои биле во контакт со полицаецот кој заминал. Анкетите се завршени и издадени се решенија за изолација, информира министерот за здравство Венко Филипче.

Во изминатото деноноќие во Македонија од 868 тестирања има 67 позитивни пациенти, додека еден пациент починал. Шест пациенти се примени на Инфективна клиника, а во ГОБ „8 Септември“ хоспитализирани се 27 пациенти, изјави денеска министерот за здравство Венко Филипче.

Во Дом за стари лица во Ченто и Кадино има две позитивни штитенички и тројца вработени, а позитивен е полицаец од Унгарија кој е на работна задача во земјава, па околу 30 полицајци кои биле со него ќе се тестираат, изјави министерот за здравство Венко Филипче.