Австриската полиција изврши акција во седиштето на владеачката партија, на актуелниот австрискиот канцелар Себастијан Курц, објавија австриските медиуми.

Полициските претреси започнале во раните утрински часови, а партијата на канцаларот Курц, ОВП оцени дека се работи за „политички притисок“. Лидерот на партијата во моментов е во Словенија, на Самитот ЕУ-Западен Балкан.

Австриските медиуми наведуваат дека полицијата упаднала и во куќите на најблиските соработници на Курц – портпаролот на партијата Јоханес Фришман, координаторот за медиуми Џералд Флајхман и главниот стратег на партијата Штефан Штајнер.

Претреситеполицијата ги извршила во канцелариите на федералниот канцелар и во седиштето на партијата.

Според медиумите, претресите имаат врска со парламентарната истражна комисија за корупциската афера „Ибица“ и истрагата во врска со „Казиното на Австрија“. Виенски „Прес“ тврди дека истрагата се води поради наводното плаќање за лажирање на анкетите на јавното мислење во дел од медиумите

Од партијата на австрискиот канцелар соопштија дека биле претресени и имотите на неколку луѓе и бизнисмени блиски до владеачката австриска партија

Партијата на Курц изрази и изненадување што плановите за ваквата акција полицијата им ја најавила на новинарите пред неколку недели, па денеска речиси сите медимски куќи ја пренесуваа и известуваа за полициската акција.