Полицијата му забрани на Рики Мартин да му се приближува на поранешното момче: Не сака да го прифати раскинувањето
Судот и полицијата во Порторико му наредиле на на познатиот пејач Рики Мартин да не му приоѓа на поранешниот партнер, откако неименувано лице пријавило во полиција дека Рики го вознемирува, соопшти полицијата.
Наредбата беше потпишана во петокот, откако надлежните се обиделе да го најдат пејачот за да му го врачат налогот, но во тоа не успеале.
Не е познато кој ја побарал забраната и не се објавени детали, бидејќи наредбата е поднесена според законот за семејно насилство во Порторико, кој подразбира целосна анонимност.
Весникот „El Vocero“ пишува дека во наредбата стои дека Мартин и другата страна биле во врска седум месеци пред да раскинат – пред два месеца.
Во извештајот се цитира дел во кој тужителот тврди дека Мартин не ја прифатил разделбата и бил виден во близина на неговата куќа најмалку три пати по раскинувањето.
Со наредбата му се забранува на Мартин да го контактира или да му се јави со лицето коешто го тужело, а судијата подоцна на рочиштето ќе одлучи дали наредбата треба да остане во сила или да биде укината.
Инаку, пејачот Рики Мартин е во брак со 12 години помладиот Џозеф, а тие двајца имаат четири деца кои им ги роди сурогат-мајка.
Зошто имаме двајца татковци? Еве како Рики Мартин им одговорил на синовите на ова прашање!
Поранешната менаџерка го тужи Рики Мартин за 3 милиони долари
„Морам да најавам дека сме бремени“: Рики Мартин и сопругот го очекуваат четвртото дете