Полицијата експресно реагираше: Уапсен навивачот кој направи скандал на натпреварот во Тетово
Инцидентот на натпревцарот Тетекс – Каменица Саса денес ги одбележа натпреварите во Втората македонска фудбалска лига.
Пред самиот крај на натпреварот едно лице од трибините веројатно навивач на гостинскиот тим влезе на теренот му удри бокс на гостинскиот фудбалер Бошко Ступиќ. Судијата набрзо по инцидентот означи крај на мечот.
Тетовската полиција експресно реагирала и навивачот го уапсила набрзо по завршувањето на натпреварот.
Полициски службеници на СВР Тетово денеска (1 октомври) во 17 часот и 25 минути, во продолжението од првенствениот фудбалски натпревар Тетекс-Каменица Саса, во 94-та минута, го лишиле од слобода Н.А.(18) од Тетово, кој ја прескокнал оградата од главната трибина и физички го нападнал гостинскиот фудбалер Б.С.(38).од Пробиштип.
Тој е задржан во Полициската станица Тетово и по целосно документирање на случајот ќе му биде изготвен соодветен поднесок.