Како што информира „Гаѕета дело Спорт“ најголемите европски клубови се во трка за обезбедување на услугите на Федерико Киеза (23).

За играчот на Јувентус веќе долг период интерес покажува Ливерпул, а сега во игра се и Реал Мадрид, Челси и Њукасл.

На крајот од сезоната, Киеза ја завршува двегодишната позајмица (од Фиорентина), по што Јуве има опција да го откупи неговиот договор за 40 милиони евра. „Старата дама“ со сите сили ќе се обиде да го задржи фудбалерот во своите редови бидејќи најголемите европски клубови ќе направат сè за да го ангажираат.

„Гаѕета“ тврди дека Ливерпул веќе долго време се распрашува за Киеза, а Челзи наводно веќе понудил 100 милиони евра, што Јувентус ги одбил, но клубот на Абрамович подготвува поголема понуда следното лето. Проблем за сите заинтересирани ќе биде Њукасл, кој нема да има проблем да ги следи понудите на другите клубови, но најголем проблем за сите нив ќе биде да го убедат Киеза да ја напушти Италија.

Киеза досега одигра 50 натпревари за Јувентус и запиша 16 голови и 11 асистенции. Тој постигна четири гола на 35 настапи за италијанската репрезентација.