Пол си оди од Хјустон, доаѓа фантастична ол стар замена
Познатиот новинар на ЕСПН, Адријан Војнаровски тврди дека на стартот од преодниот рок, на 1 јули, се очекува Хјустон рокетс и Филаделфија сиксерс, да ги разменат своите ол стар кошаркари.
Според Војнаровски, Хјустон е подготвен во Филаделфија да ги прати Крис Пол и Пи Џеј Такер, додека за возврат би го добил Џими Батлер. За Хјустон ова е единствена можност да дојдат до ол стар кошаркар, да се откажат од Крис Пол кој во плејофот влезе во вербална расправија со првата ѕвезда на екипата, Џејмс Харден.
Houston's priority for free agency, league sources tell ESPN: Pursue a sign-and-trade for Sixers All-Star Jimmy Butler. https://t.co/Bsk6g2YhfW
— Adrian Wojnarowski (@wojespn) June 25, 2019
Филаделфија е подготвена да се бори за Батлер, и тоа со нудење на максимален договор, 190 милиони долари за пет години или 146.5 милиони долари за четири години. Доколку успее да се договори со Батлер, Филаделфија тогаш најверојатно ќе остане без двајца кошаркари од првата петорка, Џеј Џеј Редик и Тобајас Херис.
Џими Батлер во Филаделфија пристигна во текот на минатата сезона и од Минесота во размена со која Шариќ и Ковингтон заминаа во обратен правец.