Регулаторот на британските политички партии денеска објави дека покрена истрага за реновирањето на резиденцијата на премиерот Борис Џонсон.

Тој тврди дека реновирањето на Даунинг стрит лично го платил.

– Јас лично го платив реновирање на Даунинг стрит, истакна Џонсон.

Тој додаде дека „целосно го почитувал” кодексот на однесување што важи за владејачките партии, како и дека се советувал со официјални лица за ова прашање.

Покрај случајот за реновирање, Џонсон е обвинет неговата шокантна изјава против воведување на нов карантин во земјата. Дејли меил во понеделникот пренесе дека Џонсон на состанок во октомври наводно изјавил „Нема веќе е…о затворање, нека се натрупаат илјадници тела”.

Британскиот премиер денеска пред Парламентот негираше дека изјавил такво нешто.

– Карантинот е страшна работа, но морам да кажам дека мислевме дека немаме друг избор, посочи Џонсон.