Фудбалерите на Тотенхем доживеаја пријатно изненадување на првиот тренинг по репрезентативната пауза. Покетино кој пет години беше тренер на Тотенхем, не беше во можност лично да се прости со фудбалерите, но сепак пронајде начин да им се заблагодари на соработката.

Аргентинецот уште истиот ден кога беше отпуштен од претседателот Даниел Леви, влезе во соблекувалната на првиот тим и на таблата на која се разработува тактиката за натпреварите им напиша:

„ Големо благодарам до сите вас! Жал ми е што не можам да дојдам и да ви кажам збогум… Секогаш ќе останете во моето срце“, напиша Покетино.

Фудбалерите на Тотенхем беа шокирани од смената на Покетино и наименувањето на Жозе Мурињо за негов наследник, бидејќи Аргентинецот имаше фантастичен однос со сите фудбалери.