Маурицио Покетино ја одби понудата да седне на клупата на францускиот Монако, а сега е откриено и зашто го сторил тоа. Се шпекулираше дека Покетино сè уште ги разгледува понудите, но се чини дека тој веќе се договорил со италијански гигант.

Како што пренесува италијанскиот новинар Луиџи Гелпа, Покетино го одбил Монако бидејќи веќе му дал ветување на Јувентус, со кого има договор од наредната сезона. Ова значи дека Маурицио Сари на крајот од сезоната ќе си замине од Јувентус, а работата нема да му ја спаси ниту освојувањето на Лигата на шампионите.

Покетино е без работа од октомври минатата година кога доби отказ во Тотенхем. Тој се споменуваше како потенцијален тренер на Баерн Минхен и на ПСЖ, а деновиве зачестија шпекулациите дека и Интер го сака на клупата, но според Гелпа победник е Јувентус кој во новата сезона ќе биде предводен токму од Покетино.