Покетино го заврши своето во Тотенхем?!
Ерата на Маурицио Покетино во Тотенхем се ближи кон крајот. Аргентинецот деновиве имал разговор со претседателот Даниел Леви на кој му било укажано дека клубот размислува за ново решение на клупата и дека самите фудбалери му го свртеле грбот. Според “Телеграф“, за време на репрезентативната пауза, фудбалерите на Тотенхем си разменувале пораки во кои шпекулираат со името на новиот тренер.
Засега Леви не сака да го смени тренерот, но не поради парите кои треба да му ги исплати, околу 15 милиони евра, туку поради тоа што направи за Тотенхен. Покетино го направи лондонскиот тим еден од најдобрите во Премиер лигата, а минатата сезона играше и во финалето на Лигата на шампионите.
Сепак, на Покетино му било најавено дека доколку Тотенхем изгуби од Вест Хем во наредното коло , тогаш и дефинитивно си заминува, поточно ќе добие отказ.
Како можен наследник на Аргентинецот се споменува Жозе Мурињо, но англиските медиуми тврдат дека Леви веќе разговарал со поранешниот тренер на Јувентус, Масимилијано Алегри, додека англискиот селектор Герет Саутгејт веќе ја одбил понудата да го презеде Тотенхем.