Фудбалерите на Манчестер сити остварија убедлив триумф од 1:4 на гостувањето кај Брајтон во рамки на 11. коло до Премиер лигата.

„Граѓаните“ доминираа во првото полувреме во кое постигнаа три гола, а можеа да дадат уште толку. Резултатот го отвори Илкај Гундоган во 13. минута за потоа на сцена да стапи Фил Фоден кој постигна два гола за три минути и ја обезбеди победата на својот тим.

Во второто полувреме,  МекАлистер во финишот намали на 1:3, а Ријад Марез во судиското продолжение го постави конечниот резултат.

Со оваа победа, Манчестер сити се искачи на второто место на табелата со 20 бодови, два помалку од лидерот Челси, додека Брајтон е четврти со 15 бодови.

Евертон доживеа вистински дебакл на „Гудисон парк“ губејќи пред своите гледачи со убедливи 2:5 од Вотфорд. Дејвис уште во третата минута му донесе предност на домашниот тим, но Кинг десет минути подоцна израмни на 1:1. Во вториот дел, Евертон повторно поведе преку Ричарлисон во 63 минута, а одговорот на гостите беше брутален. Фудбалерите на Вотфорд во последните 12 минути постигнаа четири гола преку Куцка, Денис и Кинг кој погоди два пати.

Резултати:
Челси – Норич 7:0
Кристал Палас – Њукасл 1:1
Евертон – Вотфорд 2:5
Лидс – Вулверхемптон 1:1
Саутемптон – Барнли 2:2
Брајтон – Манчестер сити 1:4