Историска одлучност покажаа Скопје и Атина со решавање на спорот тоа покажа дека храброста се исплаќа и дека градите подобра иднина за вашата земја, рече генералниот секретар на НАТО Јенс Столтенберг. Покажавте политичка храброст му рече Столтенберг на Заев.

Заев во своето воведно обраќање рече дека членството во НАТО е големо постигнување на сите граѓани и дека секогаш постоел широк натпартиски интерес за НАТО. Тој рече дека во изминатите години успеале да ја обноват демократијата и да ја ослободат заробената држава.

Со соседите ќе бидеме блиски сојузници на НАТО, работиме на тоа регионот да биде синоним за мир и стабилност. Членство во НАТО значи мир и стабилност ќе донесе подобар живот за граѓаните. Откако ја добивме поканата БДП порасна на 5.5 проценти, пораснаа странските инвестиции, се зголемија платите, се намали и невработеноста. Свесни сме и за обврски и спремни сме да ги делиме. Владата за 0.2 проценти е спремна да го зголеми буџетот на армијата, ќе се зголеми и учеството во мисиите, сакам да ве уверам дека неуморно работиме спремни сме да го заземе нашето место во НАТО, рече Заев.