Појадок за оние кои постат: Проја со праз
Пројата е вкусен пченкарен леб, кој се прави од крупно мелено пченкарно брашно, сол и вода и, најчесто, се додава и сирење.
Но, со оглед на тоа што започна четериесетдневниот Божиќен пост, овојпат ви пренесуваме посна верзија на ова јадење со праз.
Потребни состојки:
- 200 гр бело брашно
- 200 гр пченкарно брашно
- 2 струка праз
- половина чаша масло
- 1 кесичка прашок за печиво
- 2 чаши кисела вода
- сол
Подготовка:
Ситно исечкајте го белиот дел од празот и пропржете го на малку масло. Што се однесува до зелениот дел од празот, исечајте го и него, но тргнете го на страна за подоцна.
Измешајте ги двата вида брашно, прашокот за печиво, маслото и киселата вода и посолете. Додајте го пржениот праз во смесата и измешајте.
Истурете ја смесата во тепсија и печете ја пројата на загреана рерна на 200 степени, околу 20 минути.
Извадете ја пројата од рерна и посипете ја со зелениот дел од празот и вратете ја да се допече уште десет минути.
На здравје!