Похувано сирење (РЕЦЕПТ)
Состојки:
1 килограм тврдо овчо сирење
4 јајца
100 грaма лебни трошки
100 грама брашно
зачини по желба
Подготовка:
Најпрвин измијте го сирењето што планирате да го пржите и оставете го на кујнски бришач убаво да се исцеди.
Откако ќе завршите со оваа постапка, исечете го сирењето на парчиња со дебелина од околу еден сантиметар.
Потоа, во посебна чинија изматете ги јајцата со виљушка и во нив ставете ги сите зачини на кои сакате да ви мириса сирењето откако ќе го испржите.
Потоа, на оган ставете да се загрева масло. Откако маслото на кое ќе го пржите сирењето ќе биде доволно загреано, секое парче сирење прво извалкајте го во брашно, потоа ставете го во смесата од јајца и зачини и на крај извалкајте го во лебни трошки. Вака подготвени парчињата се пржат во загреаното масло додека убаво не заруменат од двете страни.