Ако имате проблем со спиењето, упатете се во кујната пред да посегнете по вашите лекови. Некои намирници можат да ви помогнат полесно да заспиете и да спиете подобро, а меѓу нив е и путерот од кикирики.

Зошто?

Кикириките содржат аминокиселина триптофан, која мозокот ја претвора во мелатонин, кој на многу луѓе им е познат како состојка на додатоци во исхраната кои ветуваат подобар сон.

За да извлечете максимум од триптофанот со консумирање путер од кикирики, VeryWellFit наведува дека треба да го јадете намачкан на парче леб. Изберете леб од цели зрна, а можете да додадете и џем без шеќер.

Постои уште една причина зошто е паметно да уживате во путер од кикирики пред спиење. Содржи микроелементи кои ги обновуваат мускулите и го стимулираат нивното градење, тврди фитнес-блогерот Сикспак Смакдаун.

Една лажица путер од кикирики има 94 калории и помага да се контролира апетитот и да се одржат нивоата на шеќер во крвта, па можеби во умерени количини, заради сите горенаведени, не е толку лош избор за вечера.