Погледнете со која титула се заведени Меган и Хари на изводот на ќерката Лилибет
Откриен е изводот на ќерката на принцот Хари и Меган Маркл, Лилибет Дајана во кој нејзините родители биле заведени поинаку отколку на изводот на братот Арчи, пишува „People“.
Изводот на раѓање на Лилибет, што го открива „People“, покажува дека таа е родена на 4 јуни во 11 часот и 40 минути во болницата „Santa Barbara Cottage“, недалеку од домот на Меган и принцот Хари во Калифорнија.
Првото име на принцот Хари било наведено како „Војводата од Сасекс“, со „Неговото кралско височество“ како презиме. Во меѓувреме, Меган не ги искористила своите кралски тутули, наведувајќи го нејзиното целосно име Рејчел Меган Маркл, бидејќи документот ги барал нивните законски имиња и нејзиното моминско име.
Изводот на раѓање на Арчи беше објавен во јавноста 11 дена по неговото раѓање во мај 2019 година. На изводот на нивниот син, Хари е заведен како „Неговото кралско величество Хенри Чарлс Алберт Дејвид војводата од Сасекс“, додека Меган била „Рејчел Меган нејзиното кралско величество војвотката од Сасекс“.
Нивните професии на изводот на Арчи биле наведени како „Принц“ и „Принцеза на Обединетото Кралство“, иако Меган нема титула принцеза. На калифорнискиот извод на родените, занимањата на родителите не се заведуваат.
Како дел од договорот на двојката со кралицата Елизабета минатата година, беше објавено дека Меган и Хари ќе ги задржат своите титули на „Негово/Нејзино Величество“, но веќе нема да ги користат.
Иако, тие сè уште се војвода и војвотка од Сасекс, откако се повлекоа од своите кралски улоги, парот вообичаено се претставува само како „Хари и Меган“.
Кога принцот Чарлс ќе стане крал, Арчи и Лилибет автоматски ќе ги наследат титулите принц и принцеза како внуци на монархот. „Не мислам дека прицот Чарлс ќе го направи непопуларниот и непријателски потег на отстранување на кралскиот статус на неговите внуци“, рекол кралскиот историчар Роберт Лејси за списанието.