Погледнете кои трошоци за живот поскапеа во април!

фото: Pixabay.com

Според податоците на Државниот завод за статистика, индексот на трошоците на животот во април 2019 година, во однос на претходниот месец, изнесува 100.8, а индексот на цените на мало 101.2.

Пораст на индексот на трошоците на животот во април 2019 година, во споредба со претходниот месец, е забележан кај свежото и разладеното овошје за 5.1 %, свежиот и разладениот зеленчук освен компирот и другите коренести плодови за 2.3 %, шеќерот, џемот, медот, чоколадата и кондиторските производи за 0.8 %, лебот и житата, другите пекарски производи за 0.5 %, алкохолните пијалаци за 0.3 % и маслото и маснотиите за 0.2 %.

Во април 2019 година, исто така, пораст на индексите на трошоците на животот е забележан и кај авионскиот превоз на патници за 23.5 %, течните горива и мазива како дел од опремата за сопствени сообраќајни средства за 5.1 %, гасот за домаќинствата за 2.6 %, фотографската и кинематографската опрема и оптичките инструменти за 2.1 %, течните горива за домаќинствата за 1.5 %, обувките, туристичките пакет-аранжмани за 1.7 %, малите електрични апарати за домаќинствата, средствата за чистење и одржување на станот за 0.8 %, автомобилите за 0.6 %, големите електрични апарати за домаќинствата, стаклените садови, кујнскиот прибор и другата опрема за 0.4 %, велосипедите, резервните делови и опремата за сопствен превоз за 0.3 % и текстилот за домаќинствата за 0.2%.

Намалување на индексите на трошоците на животот во април 2019 година, во споредба со претходниот месец, е забележано кај другите прехранбени производи за 0.9 %, сувото овошје и јаткастите производи за 0.5 %, другите преработки од месо, рибата и морските плодови за 0.4 % и млекото за 0.2 %.

Исто така, намалување на индексите на трошоците на животот е забележано и кај книгите за 1.0 %, опремата за прием, снимање и репродукција на звук и слики, опремата за спорт, кампирање и рекреација во природа за 0.8 %, теписите и другите покривки за под за 0.6 %, информатичката опрема за 0.5 %, одржувањето и поправката на сопствени сообраќајни средства, другите апарати и производи за лична хигиена за 0.4 %, другите медицински производи за 0.3 %, градините, растенијата и цвеќињата, другите лични предмети за 0.2 %.

Индексот на трошоците на животот во април 2019 година, во споредба со април 2018 година, бележи пораст од 1.9 %, а индексот на цените на мало бележи пораст од 1.3 %.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот