Погледнете како фановите на Елмас и Наполи навиваат од карантин! (ВИДЕО)
Од европските држави со коронавирус најмногу погодена е Италија, жителите на градовитe се во строг карантин, но тоа не ги спречува навивачите од изолација да пејат и навиваат за својот омилен клуб.
Иако се откажани скоро сите спортски настани, а во државата е прогласена вонредна состојба, навивачите на Елмас во чии редови настапува и македонскиот репрезентативец Елиф Елмас најдоа начин како да „навиваат“.
Фановите на „наполитанците“ излегоа на балконите, а потоа беа објавени и снимки кои го обиколија целиот свет.
Љубовта спрема клубот е посилна од заразата за овие навивачи. Моментно екипата е на шестата позиција во Серија А.
Елмас заедно уште со Горан Пандев (Џенова) и Илија Несторовски (Удинезе) не можат да излезат од Апенините, и тоа е една од причините што ФФМ побара одложување на полуфиналниот натпревар во УЕФА Лигата на нации против Косово за пласман на ЕП 2020.
Оваа сезона нашиот фудбалски „Дијамант“ Елмас во најсилното италијанско првенство има 16 настапи и еден погодок годинава во гостинската победа над Сампдорија.
