Погба: Секогаш ќе се борам за Манчестер јунајтед – бла, бла не е важно!
Францускиот играч за врска на Манчестер јунајтед, Пол Погба излезе со нова порака до клубот, навивачите и неговите соиграчи.
Преку социјалните мрежи напиша дека иднината е далеку, алудирајќи на тоа дека работите може да донесат пресврт за иднината, но и покрај сè, моментно тој е 1000% посветен на екипата.
Ова доаѓа само неколку дена откако неговиот агент Мино Рајола во интервјуто за „Туторпорт“ изјави дека играчот не е задоволен од „Олд Трафорд“ и дека неговото време во Манчестер заврши. Ова предизвика бран коментари против Погба, додека менаџерот на „црвените ѓаволи“ Оле Гунар Солскјаер одби да ги коментира најавите на Рајола и можното заминување на светскиот шампион од „Олд Трафорд“:
View this post on Instagram
– Секогаш сум се борел и ќе се борам за Манчестер јунајтед, моите соиграчи и навивачите. Бла, бла, не е важно. (Французинот очигледно се повикува на многуте коментари на оваа тема за неговата иднина). Иднината е далеку, само сегашноста е важна и јас сум вклучен 1000%! Ние сме секогаш силни заедно. Сè што е меѓу мене и клубот е јасно и тоа никогаш нема да се промени. Кога не знаете што се случува внатре (во клубот), не зборувајте – напиша Погба на својот „Инстаграм“ профил.
Потоа тој завршува со ознаки кои велат – зборувај ја вистината или молчи. Вчера беше стартер и помина 90 минути на теренот во дербито во Манчестер помеѓу Јунајтед и Сити, кое заврши нерешено.
Погба повторно шокира, крај на соработката со контроверзниот агент?