Погба после шест години се враќа во Јувентус
Пол Погба (29) му кажа „да“ на Јувентус и треба да го потпише тригодишниот договор на почетокот на јули, пренесува италијанскиот новинар Фабрицио Романо.
Сагата за враќањето на Французинот во Торино по шест години конечно доби епилог, а тренерот на клубот од Торино Масимилијано Алегри треба да изгради нов среден ред околу играчот кој пред шест години беше продаден на Манчестер јунајтед за 100 милиони евра.
Дека не е сè во парите на Погба, кој треба да заработува осум милиони евра по сезона, покажува и информацијата од Англија, според која тој одбил да ја продолжи соработката со Манчестер вредна 350.000 фунти неделна плата, што е повеќе отколку што ќе заработува во Италија.
Погба повеќе не се гледаше на „Театарот на соништата“, не сакаше да ги слуша критиките на навивачите и реши да се врати во Јуве каде што „експлодираше“, играјќи го најдобриот фудбал во кариерата.
Сезонава во Премиер лигата имаше 20 настапи и еден гол во дресот на „црвените ѓаволи“. Со „Старата дама“ во периодот од 2012 до 2016 годима имаше 124 настапи и 28 голови и со која четирипати ја освои Серија А, а по двапати Купот и Суперкупот на Италија.
Paul Pogba to Juventus, confirmed and here we go! Full agreement now completed on a free transfer. Deal to be signed at the beginning of July, it’s done and sealed. 🚨⚪️⚫️ #Juve
Pogba will be in Italy in two weeks. Juve sold him for €100m six years ago – now he’s back for free. pic.twitter.com/YNyyOlmSUE
— Fabrizio Romano (@FabrizioRomano) June 23, 2022