Здружението за развој и едукација на културата и уметноста „Фуснота“ ја издаде антологијата „Игропис“. Приредувач на книгата е Драгана Евтимова, а изработката на корицата и цртежите се на Владимир Лукаш.

Во антологијата се застапени 22 македонски поети, а дел од нив беа учесници на меѓународниот проект „Шири поезија, не страв“. Kнигата е финансирана од Министерството за култура на РСМ.

Антологијата е обид да се направи хибридна форма на книга, каде што сликата се соединува со зборот, и да се добие вкрстена естетска вредност, како еден вид социјален експеримент. Преку поезијата на различни автори целта на антологијата е да се изрази и развие свеста за медиум-порака, односно да презентира лична приказна.

Авторите што се застапени во антологија се од различни генерации, а целта на промовирањето на поезијата е тоа да биде надвор од границите на обично, секојдневно читање поезија.

(Текстот е објавен во „Културен печат“ број 57, во печатеното издание на „Слободен печат“ на 21-22 ноември 2020)