Подобрувањето на изборниот систем на Хонгконг е императив за Пекинг
Кинескиот вицепремиер Хан Џенг повика на подобрување на изборниот систем во Хонгконг, во кој, како што рече, има дупки и потребно е да се унапреди.
Хан, кој исто така е шефот на централното тело за Хонгконг и Макао, присуствуваше на состаноци со членови на Секинескиот народен конгрес од тие автономни кинески територии, јавија локалните медиуми.
– Патриотите кои управуваат со Хонгконг се клучни за принципот „една земја, два система” и ставот на централната Влада е конзистентен и никогаш не се сменил, им рече Хан на пратениците, додавајќи дека се потребни мерки за подобрување на изборниот систем и да „се обезбеди дека патриоти владеат со Хонгконг”.
Хан ја истакна важноста на владеењето на правото, како и целосната примена на принципот „една држава, два система”.
Тој ги повика пратениците целосно да ја поддржат одлуката на Постојаниот комитет на Конгресот и намерата да се подобри изборниот систем на Хонгконг.