21.8 C
Скопје

Поднесено обвинение против скопјанец за поседување дрога и муниција

Основното јавно обвинителство Скопје поднесе Обвинителен акт против едно лице за продолжено кривично дело –  Неовластено производство и пуштање во промет на наркотични дроги, психотропни супстанции и прекурсори  од член 215 став 1 во врска со член 45 и за кривичното дело – Неовластено изработување, држење, посредување и тргување со оружје или распрскувачки материи по член 396 став 1 од Кривичниот законик.

-Кај обвинетиот 29-годишник, на 28 септември, во неговото живеалиште на улицата „Бранко Заревски” била пронајдена наркотична дрога – марихуана со вкупна нето маса од 25,69 грама, во различни пакувања, 27 семки од растение кое припаѓа на растителниот род – Cannabis, како и наркотична дрога – кокаин во две најлонски пакувања со вкупна нето маса од 3,77 грама. Исто така, била пронајдена и дигиталната вага со остатоци од кокаин. Обвинетиот недозволено држел и муниција – 30 куршуми со калибар 6,35 наменети за огнено оружје – полуавтоматски пиштол. При претрес на адресата на која престојувал обвинетиот на улица „Париска” во Скопје, пак, биле пронајдени уште 3,31 грама наркотична дрога – марихуана- стои во соопштението на ОЈО Скопје.

Надлежниот обвинител до Основниот кривичен суд Скопје достави и посебен предлог за продолжување на претходно определената мерка куќен притвор за обвинетото лице, бидејќи се уште постојат околности што укажуваат на опасност од бегство и особени околности кои го оправдуваат стравот дека ќе го повтори кривичното дело.​

Поврзани вести

Арачиновец со украден автомобил ограбил обложувачница

Слободен печат

Тепачка на влезот од Kлинички, нападнат вработен на рампа

Слободен печат

Кривична пријава за две лица, пронајдени 1243 стебла марихуана

Слободен печат

Кривична пријава за скопјанец за криумчарење мигранти

Слободен печат

Двајца Грци се карале и кршеле во Битола, завршија во полиција

Слободен печат

Познатата македонска актерка Силвија Стојановска е осудена на 3 години и 6 месеци затвор

Слободен печат

Остави Коментар