Во Крива Паланка денеска волонтери на Општинската организација на Црвен крст, претставници на Совет на млади и од општинската комунална служба спроведоа акција за делење заштитни маски на граѓаните.

Беа поделени вкупно 550 маски кои општинскиот кризен штаб на Крива Паланка ги доби како донација од општествено одговорна компанија од градот.

-И денеска на граѓаните им поделивме маски, пред се повозрасните жители на општината,  лицата кои беа присутни на повеќе фреквентни локации во ооштината: пред банкоматите и банките, пред аптеките, маркетите, но и на главната улица. Со претходните 450 маски поделени пред неколку дена, доделивме вкупно 1000 маски на жителоте кои беа затекнати без маски или не успеале да си набават, информира градоначалникот на Крива Паланка, Борјанчо Мицевски.

Иницијативата, појасни, е на општинскиот кризен штаб согласно препораките на Владата за задолжително носење маски на отворен простор, како и во затворени простории, а логистичка поддршка им пружи како и во целито период на справување со пандемијата, Општинската организација на Црвениот крст Крива Паланка.

Мобилните тимови на Црвен крст се на располагање на граѓаните, на повозрасните, на стари и изнемоштени лица, како и на сите што имаат потреба од достава на храна и намирници, како и лекови на домашна адреса.