Поддршка од Владата за афирмација на културните и националните вредности – Слободен печат
ВестиМакедонија

Поддршка од Владата за афирмација на културните и националните вредности

Премиерот Заев на средбата со раководителите на Институтот за македонски јазик „Крсте Мисирков“, Институтот за македонска литература, Институтот за национална историја, Институтот за фолклор „Марко Цепенков“, сите од Скопје, како и Институтот за старословенска култура од Прилеп, ја истакна поддршката на Владата за унапредување на научно-истражувачката дејност.

Премиерот Зоран Заев, денеска, се сретна со претставници на неколку национални Институти во земјава, со кои разговараше за унапредување на условите за остварување и напредок на научно-истражувачката работа, соопштуваат од Влада.

Премиерот Заев на средбата со раководителите на Институтот за македонски јазик „Крсте Мисирков“, Институтот за македонска литература, Институтот за национална историја, Институтот за фолклор „Марко Цепенков“, сите од Скопје, како и Институтот за старословенска култура од Прилеп, ја истакна поддршката на Владата за унапредување на научно-истражувачката дејност како императив за афирмација на културните и национални вредности на државата, стои во соопштението на владината прес-служба.

Премиерот Заев и претставниците на националните институции ја потенцирале и важноста на поддршката на институциите во сите витални сегменти, како што се подобрување на условите за научната работа и проектите, зголемување на високообразовниот кадар, како и нивна соработка, преку заедничка партиципација во реализација на значајни домашни и меѓународни проекти.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close