Под притисок на корона-кризата: МАН отпуша 9.500 вработени
Германскиот производител на автобуси и камиони, МАН објави дека ќе укине 9.500 работни места во матичната земја и во Австрија за намалување на трошоците и за пребродување на корона-кризата.
Планираните откази треба да ги зголемат приходите на МАН до 2023 година за 1,8 милијарди евра, се наведува во соопштението на МАН кој е член на групацијата „Тратон“ на Фолксваген.
Планот за намалување на трошоците предвидува и реорганизација на развојната и прозводствена мрежа на МАН.
Погоните во австриски Стејр и во германските градови Плауен и Витлих би можеле да бидат комплетно затворени.
Најавата за откази не наиде на изненадиување меѓу вработените, знаејќи дека производството на МАН беше прескапо и пред корона-кризата.
Застојот на производството, нарушувањето на глобалната мрежа за снабдување и падот на побарувачката во време на пандемијата на Ковид-19, се очекува да ја чини автомобилската индустрија милијарди долари само во оваа година.