ПОЦ апелира до пазарџиите да ги прифатат новите мерки за паркирањето - Слободен печат

ПОЦ апелира до пазарџиите да ги прифатат новите мерки за паркирањето

Од претпријатието посочуваат дека затвореното паркиралиште „Аутомакедонија” кое се наоѓа во непосредна близина на „Зелен Пазар” со години наназад е преоптоварено и злоупотребувано од луѓето кои работат таму.

Јавното претпријатие „Паркинзи на Општина Центар” во денешното соопштение изрази жалење за незадоволството кое денеска преку штрајк го манифестираа пазарџиите, сопственици на тезги на „Зелен Пазар” во Општина Центар и апелира до нив да ги прифатат новите мерки за решавање на проблемот со паркирањето на паркиралиштето „Аутомакедонија” како единствено добро за сите засегнати страни, особено за жителите.

Од претпријатието посочуваат дека затвореното паркиралиште „Аутомакедонија” кое се наоѓа во непосредна близина на „Зелен Пазар” со години наназад е преоптоварено и злоупотребувано од луѓето кои работат таму.

– Изминатиов период, ЈП ПОЦ воведе неколку мерки за решавање на овој проблем односно постави нов систем за препознавање на регистарски таблички, систем со двојни рампи за контрола на пристап на возила и како последна мерка, ги зголеми цените за еден час паркирање за да им овозможи на жителите полесен и побезбеден пристап до нивните домови. Со поставувањето на ANPR камерите претпријатието има многу поголема контрола на злоупотребите кои се вршат на ова паркиралиште, се вели во соопштението од ПОЦ.

Имено, се додава во соопштението, пазарџиите кои редовно секоја година добиваа повластена паркинг карта за вработени во деловен субјект и картичка за влез за нивните автомобили, тие истите ги користеа за тешки товарни возила за кои претпријатието, согласно Одлуката на Општина Центар каде што е дозволено товарните возила да вршат дотур на роба до 7 часот, веќе им овозможи бесплатен дотур на роба од 5 до 7 часот на ова паркиралиште. Затоа, наведуваат, ЈП „Паркинзи на Општина Центар” ќе ги раскине договорите за паркинг на сите оние кои ќе вршат ваков тип на злоупотреба.

Од претпријатието сметаат дека решението на проблемот треба да се бара во „Скопски Пазар” кој треба да обезбеди дел од својата парцела која ќе биде наменета за потребите на своите закупци на тезги, а не, како што велат, решението да се бара во злоупотреба на јавна површина со цел да се задоволат потребите на еден приватен бизнис.

– Со воведувањето на овие мерки ЈП Паркинзи на Општина Центар ќе стави крај на неправилностите кои се случуваа години наназад и ќе направи ред во паркирањето давајќи приоритет на жителите кои живеат во опфатот на паркиралиштето „Аутомакедонија” кои заради сите овие злоупотреби не можат да го користат паркиралиштето во близина на своите домови бидејќи секојдневно се соочуваат со неподнослив проблем со паркирањето, стои во соопштението.

Прочитај повеќе

Традицијата на Абориџините е спасот за Австралија

Слободен печат

Каде е Путин? (ВИДЕО)

Слободен печат

Мадуро: Трамп има одвратни советници за Венецуела

Слободен печат

Шведската амбасада во Сараево го посочи Скопје како пример за превенирање на аерозагадувањето

Слободен печат

Членови на нарко картел преку тунел избегаа од затвор

Слободен печат

Гутереш повика да се реагира неодложно и одлучно за Либија

Слободен печат

Остави Коментар

2 × three =

Прочитај повеќе

Ердоган: Договорот помеѓу Турција и Либија ја полуде Грција

Слободен печат

Во Србија никогаш немало помалку жители од денес

Слободен печат

Светските лидери постигнаа договор за финалниот документ со кој ќе се реши кризата во Либија

Слободен печат

Светските лидери утре на економскиот форум во Давос

Слободен печат

Дел од Драчево и Ѓорче Петров утре ќе останат без струја

Слободен печат

Милановиќ сака да ја повлече армијата од Авганистан: Постојат добри аргументи против ова

Слободен печат