Почнува новата сезона во Лигата на шампионите, во првото коло има три дерби мечеви
Утре ќе започне новата сезона (2021/22) во Лигата на шампионите, во која 32 клуба ќе се борат за пласман во финалето, кое ќе се игра во Санкт Петербург, Русија.
Новиот почеток на Лигата на шампионите ќе ги означат и новите почетоци на Лионел Меси и Кристијано Роналдо.
Меси пристигна во ПСЖ од Барса ова лето и може да го одигра својот прв натпревар за новиот клуб во среда кога францускиот клуб ќе гостува кај Бриж, во првото коло од групата „А“.
Еден ден претходно, Манчестер јунајтед гостува кај швајцарскиот Јанг Бојс во групата „Ф“, а Роналдо може да го одигра првиот европски натпревар за тој клуб по поразот од 0:2 во финалето во 2009 година против Барселона на Меси.
We're back!! 🤩🤩🤩
Which fixture are you most excited for?#UCL
— UEFA Champions League (@ChampionsLeague) September 13, 2021
На листата на најдобри стрелци на ова натпреварување, Роналдо води против Меси со 134:120.
Првото коло во новата сезона на Лигата на шампионите ќе донесе дерби помеѓу двајца великани на европскиот фудбал, Ливерпул и Милан.
Тоа ќе биде само трет официјален натпревар помеѓу двата клуба, прво во 2005 година Ливерпул победи во фантастичното финале во Истанбул по 0:3 и пеналите, но навивачите на Милан веројатно се сеќаваат на последниот натпревар кога нивниот тим ги победи „црвените“ со 2:1 во финалето во Атина во 2007 година.
⚽️ Every season opening goal in #UCL era history!
👀 Who will net first in 2021/22?#MondayMotivation pic.twitter.com/aLX967xRtO— UEFA Champions League (@ChampionsLeague) September 13, 2021
Екипата на Челси, која го брани трофејот во ЛШ, новата сезона ќе ја започне против рускиот шампион Зенит, на чиј стадион ќе се игра следното финале.
– Челзи е носител, клуб кој има за цел повторно да ја освои титулата – рече напаѓачот на Зенит, Дмитриј Радченко за веб-страницата на УЕФА.
Првото коло го носи и дербито помеѓу Барселона и Баерн. Каталонците влегуваат во новата сезона по турбулентното лето и заминувањето на Меси, а Баерн ќе започне нова страница со новиот тренер Јулијан Нагелсман.
Овој меч од групата „Е“ е првиот дуел помеѓу овие тимови по убедливата победа на Баерн во четвртфиналето во 2020 година со 8:2.
New season, new starball 😍#UCL | @adidasfootball pic.twitter.com/5zngqrUYLj
— UEFA Champions League (@ChampionsLeague) September 13, 2021
Во третото дерби од првото коло, Интер ќе се сретне со Реал Мадрид на почетокот на натпреварувањето во групата „Д“. Во истата група ќе се натпреварува и еден македонски репрезентативец, Бобан Николов кој ова лето направи трансфер во молдавскиот Шериф Тираспол.
Парови од првото коло во Лигата на шампионите:
Вторник:
Група Е:
Барселона – Баерн Минхен (21.00 ч.)
Динамо Киев – Бенфика (21.00 ч.)
Група Ф:
Јанг Бојс – Манчестер јунајтед (18.45 ч.)
Виљареал – Аталанта (21.00 ч.)
Група Г:
Севиља – Салцбург (18.45 ч.)
Лил – Волфсбург (21.00 ч.)
Група Х:
Челси – Зенит (21.00 ч.)
Малме – Јувентус (21.00 ч.)
Среда:
Група А:
Манчестер сити – Лајпциг (21.00 ч.)
Клуб Бриж – ПСЖ (21.00 ч.)
Група Б:
Атлетико Мадрид – Порто (21.00 ч.)
Ливерпул – Милан (21.00 ч.)
Група Ц:
Бешикташ – Борусија Дортмунд (18,45 ч.)
Ајакс – Спортинг (21.00 ч.)
Група Д:
Шериф – Шахтјор Донецк (18,45 ч.)
Интер – Реал Мадрид (21.00 ч.)