Почнаа подготовки за реконструкцијата на „Орце Николов“
Се прават подготовки за конечно да почне реконструкцијата на улицата „Орце Николов“ во Центар.
Слободен печат дознава дека моментално почнуваат зафати на споредните улици, се отстрануваат бандерите, и се подготвуваат подземните инсталации.
Со реконструкцијата ќе биде опфатено проширување на улица, а ќе биде воведено и паралелно паркирање, односно автомобилите ќе се спуштат на коловозот, со што тротоарите ќе се ослободат за пешаци, велат од Центар.
Реконструкцијата ќе се одвива во фази, со цел да не се прави дополнителен метеж во сообраќајот. Ќе бидат воведени лежачки полицајци и зони на смирен сообраќај, за да се спречи возење со брзина над дозволената.
Улицата „Орце Николов“ ќе се реконструира од објектот за стопанисување со станбен и деловен простор (ПУИК) до бензинската на Макпетрол на булевар Св. Климент Охридски.