ФОТО+ВИДЕО: Почна вечерашниот протест, демонстрантите со тапани маршираат низ Скопје
Пред Владата и денеска започна протест против францускиот предлог, на кој се собраа граѓани со транспаренти на кои, меѓу другото, е испишано и мотото на овој протест „Ултиматум – Не благодарам”.
Ова е петти ден како граѓани и дел од опозициските партии го искажуваат своето незадоволство од францускиот предлог, за кој сметаат дека е штетен за државата и не ги штити државните интереси.
Пред почетокот на протестот, изјава за медимите даде лидерот на ВМРО-ДПМНЕ, Христијан Мицкоски, кој ги повтори ставовите и барањата на партијата во однос предложените документи од ЕУ и апелираше за масовност на протестите, осудувајќи го насилничкото однесување на поеднинци.
Според најавите од пред Владата, протестниот марш треба да продолжи кон Министерството за надворешни работи, па се до Законодавниот дом. Дел од демонстрантите се собраа пред Собранието и најавија марш кон Владата, па до МНР и повторно пред Собранието, каде се очекува да се обрати Христијан Мицкоски.