Почна „валканата кампања“ во Австрија: Тајни служби, хакерски напади и молотови коктели
Предизборната кампања за предвремените парламентарни избори во Австрија кои се закажани за 29 септември е во полн ек и се почести се вестите за напади врз партиите.
Така, Народната партија на Австрија (ОВП) на Себастијан Курц, беше мета на хакерски напад, а Слободарската партија (ФПО) се соочи со напад врз своите простории. По вторпат во изминатите четири недели е нападната една од канцелариите на ФПО.
Две непознати лица се обиделе да ја запалат вратата на општинската канцеларија на ФПО во градот Фелдбах. Тие фрлиле молотов коктел на вратата на партиската канцеларија, а украле и табла, односно, ги запалиле плакатите пред седиштето на партијата. Во градчето се уништени повеќе плакати на ФПО.
Пред четири недели, во Санкт Пелтен, беше фрлен молотов коктел на покраинската централа на ФПО во Санкт Пелтен.