Кумановци од денеска можат бесплатно да се лизгаат на лизгалиштето поставено во непосредна близина на градскиот базен.

Опремата за лизгалиштето општината ја доби од Агенцијата за млади и спорт, а граѓаните ќе можат да го користат без надокнада.

– Ја користам приликата да се заблагодарам на Агенцијата, ние го ставивме во функција. Трошоците за функционирање ќе бидат на товар на општината и на јавното претпријатие „Чистота и Зеленило” кое ќе менаџира – истакна Димитриевски.

Тој изрази надеж дека ќе се почитуваат правилата за користење и појасни дека малолетните ќе мора да доаѓаат со родител или старател, кои потпишуваат изјава, по што се добиваат лизгалки и се користат бесплатно.
|
Лизгалиштето ќе биде поставено до крајот на зимата.