Почна кампањата за помош на медицинските сестри кои работат во ковид центрите

Тие изразуваат надеж дека овој пример на големи хумани срца ќе го продолжат и останатите компании во земјава со што ќе помогнат за полесно пребродување на кризната состојба во која се наоѓа најголем дел од сестринската професија.

Унијата на здруженија на медицински сестри, техничари, акушерки и стоматолошки сестри предводена од Здружението „За нас” соопшти дека почнала кампања за помош на медицинските сестри кои се вклучени во борбата против пандемијата предизвикана од коронавирусот.

Целта, како што посочуваат, е со финансиски средства, лекови, течности и суплементи да им се помогне на оние медицински сестри кои во моментов се соочуваат со борба за своето здравје и здравјето на пациентите.

– Извршниот одбор на Здружението одлучи месечната членарина за овој месец да ја донира за оваа кампања. Со овој мал симболичен придонес, од нас за нас, ќе успееме да помогнеме во одредени сегменти и да обезбедиме барем дел од неопходните суплементи за медицинските сестри. Кампањата почна во текот на минатата недела и голем дел од општествено одговорните компании веднаш се приклучија. Според изјавите на дел од медицинските сестри кои работат во ковид центрите неопходно им беше да имаат можност за редовна хидратација. Поради дополнителната заштитна униформа и протоколи за работа во овие топли денови им се потребни течности. Токму затоа уште еднаш изразуваме голема благодарност до компаниите кои донираат вода и производи од нивниот асортиман, нагласуваат од Здружението.

Тие изразуваат надеж дека овој пример на големи хумани срца ќе го продолжат и останатите компании во земјава со што ќе помогнат за полесно пребродување на кризната состојба во која се наоѓа најголем дел од сестринската професија.

– Од вчерашниот ден во функција е и бројот за донации на T-Mobile 143 141 преку кој сите граѓани кои се во можност може да донираат по 100 денари од повик. Исто така отворена е и специјализирана жиро-сметка за донации (210-0720099401-26, НЛБ Банка) на која сите добронамерници може да донираат средства за помош на медицинските сестри кои се борат против коронавирусот, додаваат од Здружението.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот