Почина Џои Џордисон, еден од основачите на хеви метал бендот „Slipknot“
Поранешниот тапанар на американската хеви метал група „Slipknot“, Џои Џордисон, почина на 46-годишна возраст. Во изјава, семејството на Џордисон изјави дека тој починал мирно во сон, пренесува „BBC“.
Тие не ја откриле причина за неговата смрт, но рекле дека неговото поминување им оставило „празни срца и чувства на неопислива тага“.
View this post on Instagram
Џордисон е еден од првичните членови на „Slipknot“, основајќи го бендот во 1995 година заедно со перкусионистот Шон Крехан и басистот Пол Греј. Групата издала успешен деби-албум со наслов „Slipknot“ четири години подоцна. Бендот има продадено милиони албуми на глобално ниво, доживеано мејнстрим успех во американските листи и добиено „Греми“ награда. Групата „Slipknot“ е најпозната по уникатниот агресивен музички стил и носењето на маски во хорор стил додека настапуваат.
View this post on Instagram
Џордисон останал дел од групата до 2013 година. Во подоцнежните години, тој открил дека заминал откако му дијагностицирале попречен миелитис, форма на мултиплекс склероза.
Кори Тејлор, главниот вокал на „Slipknot“, објави црни фотографии на своите профили на социјалните мрежи по објавувањето на веста за неговата смрт, како и Крехан.
— SHRED DJENT REDEMPTION (@CoreyTaylorRock) July 27, 2021
Роден како Нејтан Џонас Џордисон во 1975 година во Де Мојн, Ајова, Џордисон рекол дека го добил првиот комплет тапани од неговите родители на осумгодишна возраст. Тој пораснал свирејќи музика и на крајот се придружил на проектот наречен „Pale Ones“ во 1995 година, кој во иднина ќе стане „Slipknot“.
