Почина тренерот кој во кариерата водел дури 52 екипи – Слободен печат
СпортФудбал

Почина тренерот кој во кариерата водел дури 52 екипи

Руди Гутендорф меѓу останатите беше тренер на Штутгарт, Шалке, Хамбургер и на неверојатни 18 репрезентации.

Руди Гутендорф, фудбалскиот тренер кој се наоѓа во Гинисовата книга на рекорди, неодамна почина на 93-годишна возраст. Германецот кој е роден 1926 година во Кобленц, помина половина век како тренер.

Веднаш откако ја заврши играчката кариера во 1955 година, започна со тренерската работа и во својата кариера предводел 52 екипи во 32 различни земји и тоа на пет континенти, по што е светски рекордер.

Најпознатите екипи кои ги предводел Гутендорф се бундеслигашите како Штутгарт, Шалке, Хамбургер, Херта, а бил селектор на неверојатни 18 репрезентации. Најзвучни репрезентации кои ги предводел се Австралија, Гана, Чиле, Боливија, Венецуела…

Поради својата работа која траеше речиси половина век доби прекар „неуморен“, а во пензија замина во 2003 година кога ја предводеше Самоа.
Потпретседателот на Германската фудбалска федерација, Раинер Кох го нарече Гутендорф, неповторлив амбасадор на германскиот фудбал.

– Загубивме личност која со својата позитивна енергија и големото срце ни го збогатуваше секој ден – изјави Кох.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close