Почина српскиот верски лидер и политичар Муамер Зукорлиќ

Муамер Зукорлиќ / фото: Медија Центар Београд / Википедија

Долгогодишниот главен муфтија на Мешихатот на Исламската заедница на Србија, Муамер Зукорлиќ, почина на 51-годишна возраст, јавија српските медиуми.

Зукорлиќ имаше и впечатлива политичка кариера и ќе остане запаметен како најважниот политички претставник на Санџак и на бошњачкото малцинство. Тој беше пратеник во српската Скупштина, а во еден мандат и нејзин потпретседател.

Според извештаите, на Зукорлиќ му се слошило додека држел предавање во Нови Пазар, а причина за смртта е срцев удар.

Роден во селото Рибариќе кај Тутин, Муамер Зукорлиќ се школувал во Сараево, во Константина и во Алжир, каде во 1993 година го завршил Исламскиот факултет, отсек Шеријатско право. Пост-дипломски студии завршил во Либан.

Од двете сопруги, Умеја и Елма, тој остава зад себе осум деца.

Видео на денот