Почина српскиот армиски генерал Драгољуб Ојданиќ
Српскиот армиски генерал во пензија, Драгољуб Ојданиќ по кратко боледување почина денеска на ВМА во Белград.
Драгољуб Ојданиќ беше началник на Генералштабот на војската на СР Југославија од 1998 година до април во 2000 година, а во 2000 година ја извршуваше и функцијата министер за одбрана.
Ојданиќ е роден во 1941 година во село Равни кај Ужице. Заврши Воена академија на копнената војска, насока пешадија, во 1964 година и Командно-штабна академија во 1975 година.
Постодипломски студии на воени вештини заврши во 1985 година и доби титула магистар.
За време на работниот век, беше на служба во Сараево, во Ѓаковица, во Призрен, во Приштина, во Ужице и во Белград.