Актерот Власта Велисављевиќ почина синоќа на 95-годишна возраст, пишува „Телеграф“.

Славниот актер неодамна беше хоспитализиран поради компликации предизвикани од коронавирусот. Како што пренесува споменатиот медиум, Власта починал синоќа во 2.30 часот во болницата „Драгиша Мишовиќ“.

 

View this post on Instagram

 

A post shared by Само Домаће (@_samodomace_)

Власта е роден на 28 јули 1926 година во Белград. Помина повеќе од 70 години на сцена, а за тоа време играше повеќе од 350 улоги, поради што многумина ќе се согласат дека е српска актерска легенда. За својата работа доби бројни признанија низ годините, а последната и омилена му беше
наградата за доживотен почесен член на Југословенскиот драмски театар.

Соработувал со бројни театарски, телевизиски и филмски режисери, а неговите реплики се прераскажуваат од генерација во генерација. Власта глумеше во 45 играни филмови, 61 телевизиски филм и 56 серии. За прв пат се појави на филмското платно на 14 јули 1959 година во воената драма
„Ноќи и утра“ во режија на Пјер Мајховски, по сценарио на Меша Селимовиќ.