Почина претседателот на Самсунг, Ли Кун-хи

Претседателот на групата Самсунг, Ли Кун-хи, кој го воздигна Самсунг во водечки производител на паметни телефони, почина денес на 79-годишна возраст, се вели во соопштението на јужнокорејската компанија.

Ли, кој направи оваа групација да биде светски телекомуникациски гигант, беше врзан за кревет од срцев удар во 2014 година.

„Со голема тага објавуваме дека почина Ли Кун-хи, претседателот на Самсунг електроникс“, соопшти компанијата, додавајќи дека тој почина денес опкружен со семејство вклучувајќи го и неговиот син Ли Јее-Јонг, потпретседател на компанијата и де факто шеф на компанијата откако се разболе во 2014 година.

„Претседателот Ли беше вистински визионер кој го трансформираше Самсунг и ја направи локалната компанија вистински светски лидер во иновации и индустриска моќ. Неговото наследство е вечно“, велат од компанијата.

Прочитајте и...  Мицотакис: Вакцината за Ковид-19 ќе биде бесплатна и незадолжителна

Самсунг е далеку најголем меѓу јужнокорејските конгломерати кои доминираат во економијата на земјата, 12-ти по моќност во светот.

Глобалниот промет на компанијата е еднаков на една петтина од БДП на Јужна Кореја, поради што е клучен за економското здравје на земјата.

Ли Кун-хи го наследи раководството на компанијата од неговиот татко и за скоро 30 години на нејзино чело, Самсунг Електроникс стана глобален бренд и најголем светски производител на паметни телефони, телевизии и чипови. Самсунг произведува телефони Галакси, а истовремено и екрани и микрочипови за своите ривали Епл Ајфон и Гугл Андроид.

Ли остава огромно богатство, според процената на Форбс од 16 милијарди долари во јануари 2017 година.

Неговиот син Ли ее-Јонг беше осуден на пет години затвор во 2017 година кога беше прогласен за виновен за корупција и други злосторства поврзани со поранешниот претседател Парк Геун Хе. Подоцна беше ослободен од најтешките обвиненија во Апелација и беше ослободен. Тој случај е во тек.

Прочитајте и...  За неносење маски санкционирани 549 граѓани

Самиот Ли Кун-хи беше прогласен за виновен за корупција во 1996 година, потоа корупција и затајување данок во 2008 година, но избега од затвор откако беше осуден на условна казна.

Извор: БЕТА

Поврзани вести

Бајден ја разгледува кандидатурата на генерал Остин за шеф на Пентагон

Михаило Донев

Србија: Рекорден број на смртни случаи во последните 24 часа од ковид-19

Слободен печат

ЛДП и Демократски сојуз на Mакедонците-ученици во Пустец им донираа книги и учебни материјали

Михаило Донев

Вчера редици за шопинг, денеска за ковид амбуланти: Хаос пред болниците во Србија (ВИДЕО)

Слободен печат

Приведен 36-годишен скопјанец баран со потерница

Слободен печат

Борис Џонсон именуваше министер кој ќе ги распределува вакцините против ковид-19

Михаило Донев

Остави Коментар

MacedonianAlbanian