Почина поранешниот почесен претседател на СПС Милутин Мркоњиќ

Во Белград на 80-годишна возраст почина Милутин Мркоњиќ, поранешен министер за инфраструктура и транспорт, почес ен претседател на СПС и пратеник на таа партија во српското Собрание.

Милутин Мркоњиќ е роден на 23 мај 1942 година во Белград. Дипломирал на Градежниот факултет во Белград на отсекот патишта, аеродроми и железници.

Повеќе од 45 години работеше на реализација на најзначајните проекти од областа на сообраќајната инфраструктура во многу земји во светот, Југославија и Србија: железницата Белград-Бар, патните коридори 10 и 11, „Бешка“ и мостови „Жежељ“.

Бил член на ЦК на СКЈ. Тој е почесен претседател на СПС, беше еден од основачите на таа партија, потпретседател и член на Претседателството.

Од 2000 година бил член на Советот на републиките во Сојузното собрание на СРЈ, а потоа и на државниот сојуз на Србија и Црна Гора.

Од 2008 до 2012 година беше министер за инфраструктура во Владата на Република Србија, а од јули 2012 до август 2013 година беше министер за транспорт.

Добитник е на многу државни, општествени и стручни награди – Орден за заслуги за Сојузна Република Југославија од прв степен, Орден на трудот, Орден на трудот со сребрен венец, Орден на трудот со златен венец. .

Видео на денот