По кратко боледување на своја 60-годишна возраст почина новинарот Трајче Јованов, долгогодишен раководител на прес службата на фестивалот „Макфест“.

Јованов најголем дел од својата новинарска дејност ја поминува во радио Штип, од каде по згаснувањето на радиото продолжува во Angels FM. На јавноста ѝ е познат по својата професионалност и големиот удел во прес службата на фестивалот на забавни мелодии „Макфест“, позиција која ја изведува од 1988 година.

Негува и љубов кон актерството, која ја започнува во Драмското студио при Домот на културата во Штип, а аматерски учествува во монодрами и претстави во текот на својот живот.

Активен и на политички план, беше секретар на Социјалистичка младина, и член на првиот Совет на општина Штип по осамостојувањето на Македонија.

Сочувство до семејството, нека почива во мир.