Познатата истанбулска мачка Гли, која стана планетарно позната како симбол на Истанбул и Аја Софија, го напушти овој свет.

Гли беше убава европска мачка со малку закосени очи и кралски став. Живееше во вековните sидови речиси 16 години и стана омилена меѓу туристите.

Информацијата дека Гли умрела ја потврди гувернерот на Истанбул, Али Јерликаја, кој претходно во неколку наврати споделуваше фотографии од познатата истанбулска мачка.

„Многу сум тажен бидејќи Гли нè напушти. Од 24 септември беше на лекување на ветеринарната клиника во истанбулскиот кварт Левент. За жал, Гли почина поради својата старост. Никогаш нема да те заборавиме“, напишал Јерликаја.

Гли дури имаше и свој профил на Инстаграм, кој го водеше Умут Бахчечи, која беше туристички водич во Аја Софија додека беше музеј.

Најпознатата мачка од Истанбул: Гли 16 години живее во Аја Софија